Scripture Union Of Tanzania

Somo la uinjilist kwa wanafunzi.

February 25, 2026 By Stellah Safi

Walimu kutoka Scripture Union Nyanda za Juu Kusini wakiwa katika Shule ya Msingi Magufuli wakitoa mafunzo ya somo la Uinjilisti kwa wanafunzi.

Walimu kutoka Scripture Union Nyanda za Juu Kusini wakiwa katika Shule ya Msingi Magufuli wakitoa mafunzo ya somo la Uinjilisti kwa wanafunzi. Kufundisha Uinjilisti katika ngazi ya msingi ni muhimu sana kwa sababu ndiyo hatua ya mwanzo ya kumjenga mtoto katika msingi imara wa kiroho na kimaadili. Biblia inasema: “Mlee mtoto katika njia impasayo, naye hataiacha, hata atakapokuwa mzee.” (Mithali 22:6, KJV). Hii inaonesha wazi umuhimu wa kuwafundisha watoto Neno la Mungu tangu wakiwa wadogo. Hivyo, kuwafundisha watoto Uinjilisti ni kuwasaidia wamjue Mungu mapema, wakue katika maadili mema, upendo, heshima na uwajibikaji. Kupitia mafundisho haya, watoto hujifunza kuwa mashahidi wema wa Kristo katika familia, shuleni na katika jamii, na huandaliwa kuwa viongozi bora na raia wema wa baadaye.

northen zone

Kambi ya Watoto

May 7, 2026By Stellah Safi

Ni kambi maalum iliyoandaliwa kwa watoto wenye umri wa miaka 5–15 kwa lengo la kuwajenga kiroho, kimaadili, na kijamii kupitia mafundisho yenye kuwasaidia kukua katika tabia njema, nidhamu, ukweli, na ufaulu wa masomo. Kambi hii huwapa watoto nafasi ya kujifunza, kushirikiana, na kuandaliwa kuwa na maisha yenye msingi bora kwa ajili ya kesho yao.

southern zone

Kambi ya Wahitimu wa Kidato cha Sita

May 7, 2026By Stellah Safi

Ni kambi maalum iliyoandaliwa kwa ajili ya kuwaandaa wahitimu wa Kidato cha Sita kuelekea hatua mpya ya maisha. Kupitia mafundisho mbalimbali, vijana watajengwa kiroho, kimaadili, kielimu, na kijamii ili waweze kukabiliana na maisha ya chuo na changamoto za baadaye kwa ujasiri, uadilifu, na malengo sahihi maishani.